Stovnað tann 5. juni 1905. 

Heimstaður: Vágur

Stuttnevni: VB

(viðtøkur broyttar á aðalfundi Vágs Bóltfelags 24.03.1998)

Íðkan av fót- og hondbólti

• Bert limir, ið eru flyltir 16 ár, hava atkvøðurætt á aðal- & eykaaðalfundi.
• Rætt til at greiða atkvøðu á aðalfundi og eykaaðalfundi hevur bert tann, sum hevur goldið limagjald fyri farna árið, og sum ikki stendur í eftirstøðu

1. Limagjaldið verður ásett av aðalfundinum fyri eitt ár í senn
2. Limur, sum stendur í eftirstøðu við limagjaldi sínum fyri tvey ár ella meira, verður strikaður úr felagnum
3. Um limur skaðar felagið við atburði sínum, hevur starvsnevndin heimild at strika hann sum lim, og kann hesin bert fáa limaskap aftur, um ein samd starvsnevnd tekur hesa avgerð.
4. Tað er skulda limanna at lýða lógir felagsins, soleiðis at vinsemi, tolsemi, gott samanhald og fram um alt ítróttarhugur verður kennimerki felagsins

Aðalfundurin verður hildin í februar/mars og skal starvsnevndin kunngera hendan í bløðunum í seinasta lagi 14 dagar frammanundan

1. Val av fundarstjóra.
2. Formaðurin greið frá virki felagsins í farna ári.
3. Peningarøkilin leggur fram grannskoðaðan roknskap til ummælis og góðkenningar. Peningarøkilin leggur fram fíggjrætlan fyri komandi ár.
4. Innkomin uppskot
5. Val av starvsnevnd og tveimum tiltakslimum
6. Val av grannskoðara.
7. Ásetan av limagjaldi.
8. Ymiskt

1. Val av starvsnevnd fer fram í loyndum, um fleiri enn eitt uppskot eru.
2. Aðalfundurin er altíð viðtøkurførur, líkamikið hvussu fáir limir eru møttir, og er hægsti myndugleiki í øllum viðurskiftum felagsins.

1. Fyri viðurskiftum felagsins skipa
   1. Aðalfundurin
   2. Starvsnevndin
2. Aðalfundurin velur starvsnevnd soleiðis
   1. Formann, ið verður valdur einsæris (beinleiðis)
   2. Peningarøkil
   3. Formann í fótbóltsnevnd
   4. Formann í hondbóltsnevnd
   5. Formann í húsanevnd
   6. Skrivara
3. Starvsnevndin umsitir dagligu leiðsluna av felagnum. Starvsnevndin ger saman við umboðsnevndunum arbeiðsbýtið millum starvsnevnd og umboðsnevndirnar. Arbeiðsbýtið verður dagført, tá tørvur er á tí. Starvsnevndralimirnir verða valdir á aðalfundi fyri 2 ár í senn, tríggir annaðhvørt ár og 3 annaðhvørt ár.
4. Í starvsnevnd felagsins sita umboðsnevndarformennirnir:
   1. Formaður í fótbóltsnevndini
   2. Formaður í hondbóltsnevndini
   3. Formaður í Húsanevndini
5. Í umboðsnevndunum skulu í minsta lagi 3 fólk sita.
6. Starvsnevndin kann, um hon heldur tað vera neyðugt, seta in bráfeingis umboðsmann ella álitismann til ávís arbeiði
7. Umboðsnevndarlimir verða valdir av starvsnevnd felagsins, eftir at umboðsnevndarformaðurin hevur innstillað hesar.

1. Starvsnevndin kann kalla til eykaaðalfundar og skal gera tað, um minst 15 limir krevja tað, samstundis sum tað verður boðað skrivliga frá tí, ið fyrilagt verður.
2. Ein eykaaðalfundur skal av starvnevndini vera kunngjørdur í seinasta lagi 3 dagar frammanundan.

Roknskaparárið er frá 01.01 - 31.12

Mál, ið ynskjast viðgjørd á aðalfundi, eiga skrivliga at vera fráboðað starvsnevndini í minsta lagi 8 dagar frammanundan

Ognir felagsins kunnu ikki veðhaldast, ei heldur kann lán upptakast uttan aðal- ella eykaaðalfundarsamtykt.

Allar avgerðir á aðal- ella eykaaðalfundi verða tiknar við vanligum meiriluta og skrivaðar í gerðabóks felagisn, sum ferður framløgd á næsta aðalfundi felagsins

Avgerð um upploysing felagsins kann bert fremjast á aðalfundi, sum er kunngjørdur til hetta sama endamál við 14 daga ávaring. Slíkur fundur er bert viðtøkuførur, tá helvt av felagslimunum møta. Upploysing kann tó bert framjast um 3/4 av møttu limunum eru fyri hesum

Um felagið verður upployst, skal tað, ið felagið eigur, eftir at hava staðið á eini serbankakonto í 10 ár, falla til frama fyri ítróttin í Vági.

Verður felagið uppafturtikið innanfyri tey 10 árini, skal tað, sum stendur á hesi bankabók, falla aftur til felagið.